Лінкі ўнівэрсальнага доступу

logo-print

Моладзевы актывіст Яўген Скарабутан з Зэльвы і сябра АГП Уладзімер Ларын з Горадні атрымалі ў выходныя позвы ў Кастрычніцкі суд Горадні на 18 верасьня.


Да позваў прыкладзеныя заявы кіраўніка гарадзенскага абласнога КДБ. У выпадку зь Яўгенам Скарабутанам суд просяць устанавіць факт таго, што сканфіскаваныя ў яго кампакт-дыск “Канцэрт “Салідарныя зь Беларусьсю”, друкаванае выданьне “Асновы стратэгіі Аб’яднаных дэмакратычных сіл”, бюлетэнь “Свабодная думка”, “Праект рэзалюцыі Кангрэса АДС”, кніга П.Севярынца “Лісты зь лесу” маюць экстрэмісцкі зьмест.

У выпадку з Уладзімерам Ларыным суд просяць устанавіць той факт, што экстрэмісцкі зьмест мае сканфіскаваная ў яго кніга “Случайный президент”.

І ў Яўгена Скарабутана, і ва Ўладзімера Ларына названыя рэчы сканфіскавалі яшчэ ў 2007 годзе мытнікі, калі актывісты вярталіся з Польшчы.

Нагадаю, што ў пятніцу аналягічную позву атрымаў журналіст Анджэй Пісальнік. У яго выпадку суд просяць устанавіць факт наяўнасьці экстрэмісцкага зьместу ў нумары газэты “Głos znad Niemna na uchodźstwie”, які ў яго сканфіскавалі яшчэ на пачатку 2006 году.

Паказаць камэнтары

XS
SM
MD
LG