Лінкі ўнівэрсальнага доступу

Мішэл Уілсан: Я вельмі зьдзіўленая і ўдзячная


Мішэл Уілсан

Мішэл Уілсан

Амэрыканская бізнэсмэнка Мішэл Уілсан, якая ў мінулым месяцы паведаміла нашаму радыё, што амэрыканскія эканамічныя санкцыі супроць „Белнафтахіму” паставілі яе прадпрымальніцкую дзейнасьць на мяжу банкруцтва, успрыняла часовае прыпыненьне санкцый супраць двух прадпрыемстваў „Белнафтахіму” — лідзкай “Лякафарбы” і “Полацак-Шкловалакна” — зь вялікай радасьцю.

Вось камэнтар, які спадарыня Ўілсан дала нашай службе:

“Я ведьмі зьдзіўленая і не магу знайсьці слоў, каб выказаць удзячнасьць як амэрыканскаму, так і беларускаму ўраду за тое, што яны знайшлі супольную мову, каб зьняць санкцыі з дзьвюх беларускіх фірмаў, адной зь якіх зьяўляецца наш пастаўшчык, акцыянэрнае таварыства „Полацак-Шкловалакно”. Я спадзяюся на працяг адкрытага дыялёгу паміж Беларусьсю і ЗША дзеля спрыяньня вольнаму гандлю паміж нашымі краінамі. Гэта сапраўды вялікі дзень”.

Нагадаем, што 5 жніўня Міністэрства фінансаў ЗША дазволіла амэрыканскім кампаніям уступаць у дзелавыя стасункі з прадпрыемствамі “Лякафарба” і “Полацак-Шкловалакно” да 2 сакавіка 2009 года.

Асновай бізнэсу Мішэл Уілсан з Нэвады зьяўляецца імпарт вогнетрывалых тканінаў з полацкага “Шкловалакна”, якія яна потым перапрадае дзяржаўным і прыватным інстытуцыям ды фірмам.

XS
SM
MD
LG