Лінкі ўнівэрсальнага доступу

Друкарня адмовілася рабіць улёткі на “тарашкевіцы”


Тацяна Севярынец

Тацяна Севярынец

Паводле Тацяны Севярынец, якая балятуецца па Віцебскай-Горкаўскай акрузе №17, адмову друкаваць яе інфармацыйныя ўлёткі яна пачула ад начальніцы вытворчага аддзелу дзяржаўнай віцебскай друкарні.

Спадарыня Тацяна патлумачыла, што яна чытае і піша паводле традыцыі газэты “Наша Ніва”, але пагадзілася, каб ва ўлеткі ўнесьлі праўку ў адпаведнасьці з сучасным беларускім правапісам.

Праз пэўны час ёй патэлефанавалі з друкарні і выказалі прэтэнзіі ўжо да зьместу ўлёткі. Тая самая начальніца вытворчага аддзелу заявіла, што ў яе выклікаюць сумнеў выкладзеныя ва ўлётцы статыстычныя зьвесткі – у прыватнасьці што да росту колькасьці разводаў у Беларусі і што да тэндэнцыі алькагалізацыі насельніцтва.

Урэшце ў вытворчым аддзеле паведамілі пра неабходнасьць “параіцца”, перш чым зрабіць друкаваныя матэрыялы на замову апазыцыйнай кандыдаткі. Ці не запатрабуюць зьмяніць зьмест улётак карэнным чынам, Тацяне Севярынец будзе вядома толькі заўтра.

XS
SM
MD
LG