Лінкі ўнівэрсальнага доступу

logo-print

Журналіст у кандыдаты — газэту ў “чорны сьпіс”


Галоўны рэдактар “Бобруйского курьера” Анатоль Санаценка

Галоўны рэдактар “Бобруйского курьера” Анатоль Санаценка

Міністэрства інфармацыі Беларусі вынесла адразу два папярэджаньні недзяржаўнай газэце “Бобруйский курьер”. Яшчэ адно папярэджаньне выданьне мае ад 7 лістапада мінулага году. Год тэрміну яго дзеяньня яшчэ ня скончыўся.

Галоўны рэдактар “Бобруйского курьера” Анатоль Санаценка тлумачыць:

“Я глыбока перакананы, што гэтыя непрыемныя для нас папярэджаньні наўпрост зьвязаныя з тым, што намесьнік галоўнага рэдактара нашай газэты Алесь Чыгір зьяўляецца кандыдатам у дэпутаты Палаты прадстаўнікоў. Прычым ужо зарэгістраваным кандыдатам”.

Я мяркую, што ўлады гатовыя да такога рашэньня, як прыпыніць выхад газэты на тры месяцы альбо зачыніць яе
Са словаў Анатоля Санаценкі, чыноўнікі міністэрства вінавацяць газэту ў тым, што яна зарэгістраваная як рэспубліканскае выданьне, а распаўсюджваецца па падпісцы толькі на Магілёўшчыне. Другое папярэджаньне грунтуецца на перадруку з інтэрнэт-сайту нібыта непраўдзівых зьвестак.

Гаворыць Анатоль Санаценка:

“Я мяркую, што ўлады гатовыя да такога рашэньня, як прыпыніць выхад газэты на тры месяцы альбо зачыніць яе. Магчыма, такім чынам яны спрабуюць навучыць нас тым прынцыпам, па якіх яны жывуць. Аднак у нас свае і іншыя прынцыпы. Менавіта імі кіруецца дэмакратычная прэса ва ўсім сьвеце”.
XS
SM
MD
LG