Лінкі ўнівэрсальнага доступу

"Было б "нахабствам", каб усе апазыцыянэры прайшлі далей"


Вынікі чарговага этапу выбарчай кампаніі ацэньвае публіцыст Аляксандра Класкоўскі.


Цыганкоў: Чаму ўлада не пабаялася не зарэгістраваць 22 апазыцыйныя кандыдаты, і сярод іх – знакавыя асобы апазыцыі?

Класкоўскі: Па-першае, яшчэ ёсьць магчымасьці апэляцыі, і я не выключаю, што аднаго-двух з гэтых “зрэзаных” могуць аднавіць. Гэта дае ўладзе магчымасьць сказаць – глядзці, якія мы справядлівыя, разабраліся.. Па-другое, улада робіць рэвэрансы да пэўнай мяжы. Гэта было б ужо “нахабствам”, каб усе апазыцыянэры прайшлі далей. Нават мэнтальна ўлада на гэта пайсьці ня можа. Таму выкарыстоўваецца тактыка “дробнага фолу” – ня даць магчымасьці для катэгарычных высноваў (маўляў, байкот, бо зарэзалі бальшыню). Бальшыню не зарэзалі, але трошкі сытуацыю папсавалі. Акрамя ўсяго, гэта можа ўнесьці раздрай і ў шэрагі апазыцыі – хтосьці будзе да байкоту заклікаць, хтосьці захоча працягваць кампаніі – гэта таксама, напэўна, улічваецца”

Цыганкоў: “Як уплываюць на хаду выбараў нядаўнія заявы старшыні місіі АБСЭ, візыт прадстаўніка Эўразьвязу ў Менск?”

Класкоўскі: “Мяркую, свой “залік” улады будуць атрымліваць паводле канчатковых вынікаў выбараў. Як гэта не цынічна гучыць, -- напрыклад, наяўнасьць 5-8 апазыцыянэраў у Палаце. Там, дзе ўлада адчувае, што яе могуць прыціснуць да сьценкі, яна дзейнічае прагматычна, каб мінімізаваць рызыкі”.

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG