Лінкі ўнівэрсальнага доступу

М.Лазавік: Мэркель цікавіўся, чаму мала апазыцыі ў выбаркамах


Памочнік намесьніка дзяржсакратара ЗША ў справах Эўропы і Эўразіі Дэвід Мэркель і часовы павераны ў справах ЗША ў Беларусі Джонатан Мур сустрэліся з кіраўніцтвам Цэнтрвыбаркаму.

На сустрэчы абмяркоўвалася падрыхтоўка да выбараў. Госьці задалі шэраг пытаньняў, паведаміў сакратар камісіі Мікалай Лазавік. Яны тычыліся фармаваньня і дзейнасьці ўчастковых і акруговых выбаркамаў. Таксама — парадку вылучэньня і рэгістрацыі кандыдатаў у дэпутаты, асьвятленьня выбарчай кампаніі і доступу кандыдатаў у дэпутаты да мэдыяў. Асобна была вылучана група пытаньняў адносна правоў назіральнікаў. Амэрыканцаў цікавілі пытаньні правядзеньня самога галасаваньня. Яны асабліва акцэнтавалі ўвагу на магчымасьці назіральнікаў адсочваць усе выбарчыя працэдуры.

“Прапановаў канкрэтных па зьмене тэхналёгіі падрыхтоўкі і правядзеньня выбараў як такіх не было. Тут былі пажаданьні правесьці выбары адкрыта і дэмакратычна. І ў гэтым нашы погляды абсалютна супадаюць.

Нейкіх канкрэтных ацэнак не выказвалася. Адзіная крытычная заўвага, магчыма... Ён сказаў, мы спадзяваліся, што ў складзе выбарчых камісій будзе больш прадстаўнікоў апазыцыі.
Ён сказаў, мы спадзяваліся, што ў складзе выбарчых камісій будзе больш прадстаўнікоў апазыцыі. Але мы таксама спадзяваліся, няма чаго хаваць.


Але мы таксама спадзяваліся, няма чаго хаваць. Хаця асабліва па ўчастковых камісіях якасьць прадстаўленых кандыдатаў была значна ніжэйшая, чым пры прадстаўленьні ў акруговыя, дзе працэнт задавальненьня заявак апазыцыі вышэйшы, чым пры фармаваньні ўчастковых. Выбарчы кодэкс не прадугледжвае перагляду складу выбарчых камісій. І такой мэты ніхто і ня ставіў”.

Спадар Лазавік таксама адзначыў, што на сустрэчы закраналася пытаньне акрэдытацыі амэрыканскіх дыпляматаў для назіраньня за выбарамі. Але, паводле спадара Лазавіка, гэтае пытаньне — у кампэтэнцыі Міністэрства замежных справаў.
XS
SM
MD
LG