Лінкі ўнівэрсальнага доступу

А.Лябедзька:”Лукашэнка дэманструе сваю слабасьць”


Анатоль Лябедзька патрабуе вызваленьня палітвязьняў, 30 сакавіка 2008 г.

Анатоль Лябедзька патрабуе вызваленьня палітвязьняў, 30 сакавіка 2008 г.

Старшыня Аб'яднанай грамадзянскай партыі Анатоль Лябедзька назваў добрай навіной тое, што выйшаў з турмы апошні палітвязень.

“Але гэта не дае падставы замружваць вочы і казаць, што мы ўпэўненымі крокамі рухаемся да сьветлай будучыні. Тое, што сёньня адбываецца ў Беларусі, - гэта таптаньне на месцы. Крок наперад, паўтара назад. Гэта тактыка, якую абраў Аляксандар Рыгоравіч. З аднаго боку, ён робіць крок і хоча, каб пра гэта пісалі ўсе сродкі масавай інфармацыі, а разам з тым ён робіць крок назад.

Я б сур'ёзна размаўляў пра нейкія зрухі, каб былі зроблены адзін, другі, трэці крокі наперад. І ніводнага назад. Мы можам толькі сказаць, што незаконна асуджаныя людзі - на волі. Гэта добра, гэта вынік супольнай працы тысяч людзей у Беларусі і міжнароднай супольнасьці. Кропка.

Лукашэнка выкарыстоўвае факт вызваленьня палітвязьняў як прадмет торгу і на захадзе, і на ўсходзе. Ён дэманструе адначасова і сваю слабасьць”.

Паказаць камэнтары

XS
SM
MD
LG