Лінкі ўнівэрсальнага доступу

Лідэр чэскіх сацыял-дэмакратаў наведае Беларусь


Йіржы Пароўбэк

Йіржы Пароўбэк

Старшыня апазыцыйнай сацыял-дэмакратычнай партыі Чэхіі Йіржы Пароўбэк зьбіраецца наведаць Беларусь.

Мэтай паездкі ёсьць падтрымка беларускіх сацыял-дэмакратаў напярэдадні восеньскіх парлямэнцкіх выбараў.

Гэты намер Й.Пароўбэк выказаў яшчэ ў траўні ў часе сустрэчы з прадстаўнікамі БСДП (Грамада), у прыватнасьці – зь Сяргеем Скрабцом.

Мяркуецца, што ён сустрэнецца ў Беларусі і з ганаровым старшынём партыі Аляксандрам Казуліным, вызваленьня якога дамагаўся разам зь лідэрамі іншых сацыял-дэмакратычных партыяў у сьвеце. Паводле Пароўбка, менавіта эўрапейскія сацыялісты найбольш спрычыніліся да вызваленьня Казуліна.

Плянуецца, што чэскі палітык правядзе некалькі сустрэчаў і ў Адміністрацыі прэзыдэнта Беларусі з мэтай выказаць падзяку за вызваленьне Казуліна і паспрыяць вызваленьню астатніх палітычных вязьняў.
XS
SM
MD
LG