Лінкі ўнівэрсальнага доступу

“Расея можа ўмяшацца ў канфлікт узброенымі сіламі”


Экспэрт у міжнародных адносінах Андрэй Фёдараў адказвае на пытаньне, як могуць адрэагаваць на грузінска-асэтынскі канфлікт Расея і Захад.


“Рэакцыя міжнароднай супольнасьці ў значнай ступені будзе залежыць ад таго, як будуць далей разьвівацца падзеі. Тое, што Рада Бясьпекі ААН ня здолела прыняць ніякага рашэньня – гэта сьведчыць пра моцныя супярэчнасьці паміж Расеяй – з аднаго боку, і Захадам – зь іншага. Але тут нічога дзіўнага няма – Расея столькі разоў сама блякавала рашэньні Рады Бясьпекі ААН па іншым пытаньнях, і тое, што зараз нарвалася на такі адказ – гэта зразумела.

Безумоўна, усе будуць заклікаць да спыненьня ваенных дзеяньняў, да мірнага вырашэньня канфлікту. Але я не выключаю, калі Расея будзе адчуваць, што яна губляе Паўднёвую Асэтыю, то яна можа ўмяшацца ў канфлікт сваімі ўзброенымі сіламі”

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG