Галоўныя партыйныя каштоўнасьці гэта – справядлівасьць і свабода, салідарнасьць і сацыяльная адказнасьць.
У выбарчай праграме прынамсі адзначаецца: “Беларуская сацыял-дэмакратычная партыя (Грамада) пераканана, што ідэя справядлівасьці можа аб’яднаць грамадзянаў Беларусі для пабудовы справядлівага грамадзтва”.
14 прадстаўнікоў БСДП (Грамада) зьбіраюцца балятавацца па адзінаму сьпісу Аб’яднаных дэмакратычных сілаў. Яшчэ некалькі сяброў партыі зьбіраюць подпісы для вылучэньня дадаткова да адзінага сьпісу.
