Даўшы падпіску пра неразгалошваньне таямніцы сьледзтва, спадар Сьвецік не распавядае падрабязнасьцяў допыту. Але ён заўважыў, што дзейнасьць КДБ у гэтай справе чамусьці актывізавалася: два гады праваахоўныя ворганы адмаўляліся распачынаць крымінальную справу супраць тых, хто з 2006 году рассылае жыхарам Віцебску лісты з пагрозамі ад імя “Віцебскай філіі РНЕ”, спасылаючыся на тое, што такая арганізацыя ў Беларусі не зарэгістраваная. Але 20 траўня гэтага году зь ініцыятывы справа паводле артыкулу 130.1 “Распальваньне міжнацыянальнай і міжканфэсійнай варожасьці” ўсё ж была распачатая.
Апрача Леаніда Сьвеціка, цягам апошніх двух тыдняў у КДБ былі выкліканыя атрымальнікі лістоў з пагрозамі ад імя “Віцебскай філіі РНЕ”: апазыцыйныя актывісты Алена Залеская і Ян Дзяржаўцаў, а таксама загадчыца літаратурнай часткай тэатра “Лялька” Вікторыя Дашкевіч. Усе трое мусілі наведаць КДБ ужо паўторна – цягам чэрвеня іх таксама выклікалі на допыты. Былі дапытаныя і іншыя атрымальнікі лістоў – былы рэдактар газэты “Витебский курьер” Уладзімер Базан, сябры КХП БНФ Ян Таўпыга і Сяргей Каваленка, беспартыйны віцебскі актывіст Барыс Хамайда.
Што да праваабаронцы Леаніда Сьвеціка, то ён трапіў на допыт у КДБ першым – яшчэ 23 траўня, пасьля таго, як у ягонай кватэры быў праведзены ператрус з канфіскацыяй оргтэхнікі. Ператрус быў праведзены на падставе таго, што спадар Сьвецік быў прызнаны сьведкам у справе “лістоў ад РНЕ”. Праваабаронца пацьвярджае, што кансультаваў тых, хто атрымліваў допісы ад імя РНЕ, – дапамагаў ім складаць заявы ў пракуратуру, каб аўтараў лістоў з пагрозамі знайшлі і пакаралі. Ён катэгарычна заяўляе, што ніякага іншыга дачыненьня да “справы РНЕ” ня меў і ня мае.
Апрача Леаніда Сьвеціка, цягам апошніх двух тыдняў у КДБ былі выкліканыя атрымальнікі лістоў з пагрозамі ад імя “Віцебскай філіі РНЕ”: апазыцыйныя актывісты Алена Залеская і Ян Дзяржаўцаў, а таксама загадчыца літаратурнай часткай тэатра “Лялька” Вікторыя Дашкевіч. Усе трое мусілі наведаць КДБ ужо паўторна – цягам чэрвеня іх таксама выклікалі на допыты. Былі дапытаныя і іншыя атрымальнікі лістоў – былы рэдактар газэты “Витебский курьер” Уладзімер Базан, сябры КХП БНФ Ян Таўпыга і Сяргей Каваленка, беспартыйны віцебскі актывіст Барыс Хамайда.
Што да праваабаронцы Леаніда Сьвеціка, то ён трапіў на допыт у КДБ першым – яшчэ 23 траўня, пасьля таго, як у ягонай кватэры быў праведзены ператрус з канфіскацыяй оргтэхнікі. Ператрус быў праведзены на падставе таго, што спадар Сьвецік быў прызнаны сьведкам у справе “лістоў ад РНЕ”. Праваабаронца пацьвярджае, што кансультаваў тых, хто атрымліваў допісы ад імя РНЕ, – дапамагаў ім складаць заявы ў пракуратуру, каб аўтараў лістоў з пагрозамі знайшлі і пакаралі. Ён катэгарычна заяўляе, што ніякага іншыга дачыненьня да “справы РНЕ” ня меў і ня мае.
