Стужку перарэзвалі намесьніца старшыні аблвыканкаму Марыя Бірукова і галоўны ўрач пэрынатальнага цэнтру Віктар Лісковіч. Апошні падкрэсьліў, што музэй адкрыты напярэдадні сьвяткаваньня 880-х угодкаў Горадні. Такім чынам мэдыкі прычыніліся да юбілею.
М.Бірукова, якая сёлета зьбіраецца балятавацца ў парлямэнт, зазначыла, што зараз у вобласьці шукаюць грошы для адкрыцьця супэрсучаснага мэдыцынскага цэнтру, дадаўшы, што іх абавязкова знойдуць.
Музэй месьціцца ў дзьвюх залях. Па-сапраўднаму ўразілі экспанаты: унікальны падручны анатамічны атляс 1876 г. зь Нямеччыны, дзіцячая калыска-люлька 30-х гадоў мінулага стагодзьдзя і разнастайны мэдычны інструмэнт. Экспанатаў насамрэч шмат, і месьцяцца яны даволі шчыльна.
Першую экскурсію праводзіў намесьнік галоўнага ўрача Ігар Навумаў, які падрабязна распавядаў пра гісторыю акушэрства і наагул мэдыцыны ў Гарадзенскім рэгіёне, сягаючы ў крыніцы XV-XVI стагодзьдзяў.
Галоўны ўрач Віктар Лісовіч казаў, што экспанаты шукалі па ўсёй вобласьці цягам некалькіх гадоў. Мы спыніліся каля самага старога экспаната ў музэі:
“Гэта ХІХ ст., ступа, якая выкарыстоўвалася для прыгатаваньня лекаў. Нам яе перадала з Карэліцкага раёну акушэр-гінэколяг, спадарыня Жарская”.
На адкрыцьці прысутнічалі мэдыкі-вэтэраны. Ніна Русіна мае больш за 30 гадоў мэдыцынскага стажу, працавала на катэдры акушэрства й гінэкалёгіі ў Горадні, кандыдат навук. Я запытаўся ў яе, ці не забываюцца на яе малодшыя калегі?
Русіна: “Ні катэдра, ні раддом, ніхто пра нас ніколі ня ўзгадвае. Так ёсьць на самой справе”.
Яшчэ ў аднаго вэтэрана, Віталя Ракуця, я запытаўся, што ён думае пра створаны музэй.
Ракуць: “Музей ня проста дзеля таго, каб даведацца пра мінулае, бо безь мінулага няма ня толькі будучыні, але й цяжка разабрацца ў сучаснасьці”.
М.Бірукова, якая сёлета зьбіраецца балятавацца ў парлямэнт, зазначыла, што зараз у вобласьці шукаюць грошы для адкрыцьця супэрсучаснага мэдыцынскага цэнтру, дадаўшы, што іх абавязкова знойдуць.
Музэй месьціцца ў дзьвюх залях. Па-сапраўднаму ўразілі экспанаты: унікальны падручны анатамічны атляс 1876 г. зь Нямеччыны, дзіцячая калыска-люлька 30-х гадоў мінулага стагодзьдзя і разнастайны мэдычны інструмэнт. Экспанатаў насамрэч шмат, і месьцяцца яны даволі шчыльна.
Першую экскурсію праводзіў намесьнік галоўнага ўрача Ігар Навумаў, які падрабязна распавядаў пра гісторыю акушэрства і наагул мэдыцыны ў Гарадзенскім рэгіёне, сягаючы ў крыніцы XV-XVI стагодзьдзяў.
Галоўны ўрач Віктар Лісовіч казаў, што экспанаты шукалі па ўсёй вобласьці цягам некалькіх гадоў. Мы спыніліся каля самага старога экспаната ў музэі:
“Гэта ХІХ ст., ступа, якая выкарыстоўвалася для прыгатаваньня лекаў. Нам яе перадала з Карэліцкага раёну акушэр-гінэколяг, спадарыня Жарская”.
На адкрыцьці прысутнічалі мэдыкі-вэтэраны. Ніна Русіна мае больш за 30 гадоў мэдыцынскага стажу, працавала на катэдры акушэрства й гінэкалёгіі ў Горадні, кандыдат навук. Я запытаўся ў яе, ці не забываюцца на яе малодшыя калегі?
Русіна: “Ні катэдра, ні раддом, ніхто пра нас ніколі ня ўзгадвае. Так ёсьць на самой справе”.
Яшчэ ў аднаго вэтэрана, Віталя Ракуця, я запытаўся, што ён думае пра створаны музэй.
Ракуць: “Музей ня проста дзеля таго, каб даведацца пра мінулае, бо безь мінулага няма ня толькі будучыні, але й цяжка разабрацца ў сучаснасьці”.
