Лінкі ўнівэрсальнага доступу

Прыватызацыя пацягне за сабой скарачэньні працоўных


Чаго чакаць ад абвешчанай прыватызацыі простым супрацоўнікам тых заводаў, на якіх будзе трымацца абноўленае прадпрыемства? Лідэр Свабоднага прафсаюзу Генадзь Быкаў прагназуе перадусім масавыя скарачэньні працоўных.


Па-другое, каб атрымаць дывідэнды, рабочыя мусяць самі дамагацца і паляпшэньня ўмоваў працы, і падвышэньня заробкаў:

“Калі гэтыя прадпрыемствы пяройдуць да прыватнікаў (а пераважна гэта будуць расейцы), трэба чакаць вельмі сур'ёзных скарачэньняў. Будуць скарачаць людзей, намагацца аптымізаваць колькасьць вырабленага прадукту з колькасьцю працоўных. А што тычыцца таго, ці будуць лепшыя ўмовы? Увогуле гэта ўсё будзе залежаць ад тых, хто на гэтых прадпрыемствах працуе. Але насамрэч у мяне няма ніякіх радасных спадзяваньняў, бо каб нешта паляпшаць, трэба патрабаваць, трэба дабівацца. Нашы людзі на сёньня ня ў стане гэта рабіць.

Ня ведаю, ці захавалася яшчэ на МАЗе маленькая арганізацыя Свабоднага прафсаюзу, а так усё зьліквідавана. Калі адбывалася прыватызацыя ў Польшчы, напрыклад, прадавалі інвэстару прадпрыемства, то карэйцы прапаноўвалі добрыя грошы, але казалі, што палякі павінны разьвязаць ім рукі. То бок каб была магчымасьць скараціць людзей, перапрафіляваць вытворчасьць. Яны прапаноўвалі 300 мільёнаў даляраў, а ўрэшце прадалі аўстрыйцам за 250 мільёнаў. Бо тыя паабяцалі цягам 5 гадоў нікога не скарачаць. Чаму так адбылося? Таму што быў моцны прафсаюз “Салідарнасьць”, які мог патрабаваць і дамагацца выкананьня вось такіх умоваў. У нас нічога гэтага няма: свабодным прафсаюзам ня далі разьвіцца, іх проста зьнішчалі. А ў дзяржаўных ніхто слова ня скажа”.

XS
SM
MD
LG