Лінкі ўнівэрсальнага доступу

Палітык Мікола Статкевіч лічыць, што Беларусь можа і не дачакацца выкананьня шматлікіх абяцаньняў з боку прэзыдэнта Вэнэсуэлы.

“Спадар Чавэс — вельмі экзатычная палітычная фігура. Але ён дасягае сваіх мэтаў гэтымі візытамі ў Маскву і Менск. А мэта — прыцягнуць увагу да сябе найперш у вачах “трэцяга сьвету”, паказаць сябе лідэрам, які нічога не баіцца. І больш прагматычная мэта — прыкупіць зброі.

Што да прадстаўнікоў афіцыйнага Менску, дык у іх ёсьць таемныя спадзяваньні, што яшчэ недзе знойдуцца такія дурні, як у Расеі, у якіх можна будзе ў абмен на пацалункі атрымліваць нешта больш матэрыяльнае. Але мэнтальнасьць іншая ў лацінаамэрыканцаў. Чавэс будзе абдымацца, называць братам, але грошы будуць “mañana” — гэта потым, заўтра. Але звычайна — ніколі.

Адзінае, што заслугоўвае ўвагі, гэта агаворка Чавэса наконт радзімы ў Вэнэсуэле (нагадаем, Чавэс заявіў Лукашэнку: “Вэнэсуэла — твая радзіма, радзіма ўсіх прысутных”. — Рэдакцыя). Магчыма, ужо нейкія зандажы вяліся, і гэтая агаворка невыпадковая. Магчыма, сапраўды некаторыя прадстаўнікі кіроўнай групы ў Беларусі разглядаюць Вэнэсуэлу як будучую радзіму для сабе і сваіх нашчадкаў”.
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

Паказаць камэнтары

XS
SM
MD
LG