Лінкі ўнівэрсальнага доступу

Гомель: “Удзельнічаць у фарсе няма сэнсу”


На канфэрэнцыі Гомельскай абласной арганізацыі АГП аднагалосна прынята рашэньне ня ўдзельнічаць у парлямэнцкіх выбарах, калі ўлады праігнаруюць патрабаваньні, выстаўленыя рэгіянальнымі аб’яднанымі дэмакратычнымі сіламі.

Гаворка ідзе пра ўключэньне ўсіх вылучэнцаў АДС ва ўчастковыя выбарчыя камісіі, а таксама пра рэгістрацыю ўсіх прэтэндэнтаў кандыдатамі ў дэпутаты.

Камэнтуе рашэньне кіраўнік рэгіянальнай арганізацыі АГП Васіль Палякоў:

“Пасьля таго як з прапанаванага сьпісу аб’яднаных дэмакратычных сілаў у склад акруговых камісіяў уключылі толькі дзьве траціны нашых вылучэнцаў, на абласной канфэрэнцыі АГП мы вырашылі больш выразна акрэсьліць свае патрабаваньні. Цяпер мы вядзем размову пра тое, каб у склад участковых камісіяў уключылі ўсіх вылучэнцаў АДС і зарэгістравалі ўсіх кандыдатаў. Такую прапанову мы выносім на абмеркаваньне сумеснай каардынацыйнай рады Гомельскай вобласьці. Калі ўлады праігнаруюць патрабаваньні, няма ніякага сэнсу ўдзельнічаць у тым фарсе, які адбудзецца восеньню гэтага году”.

Падсумаваць, як улады выконваюць патрабаваньні АДС, рэгіянальная рада плянуе на пачатку жніўня.

Паказаць камэнтары

XS
SM
MD
LG