Лінкі ўнівэрсальнага доступу

Ю. Губарэвіч: “Выключэньне Міхалевіча не адбылося”


Намесьнік старшыні Партыі БНФ Ю.Губарэвіч перакананы, што паводле статута галасоў для выключэньня з партыі А.Міхалевіча не хапіла, і той застаецца сябрам ПБНФ.


“На паседжаньні прысутнічала 48 сябраў Сойму, а прагаласавала 24. Гэта 50 працэнтаў, але не большасьць. Як мінімум для рашэньня патрэбна было 25 галасоў”.

Саму падзею Губарэвіч ацаніў як “зачыстку канкурэнтаў у партыі”.

“Думаю, што расколу ня будзе. Людзі ў нас моцна перакананыя для удзелу ў партыйнай працы. Я не выключаю аднак, што будзе назірацца адыход ад актыўнай дзейнасьці тых людзей, якія зьвязваюць сваю далейшую працу з Партыяй БНФ. Падобныя сытуацыя ў нас здараліся і ў 1999 годзе і ў 2001-м”.

Сам Губарэвіч застаецца намесьнікам старшыні партыі і зьбіраецца працягваць дзейнасьць на гэтай пасадзе і ўдзельнічаць у парлямэнцкіх выбарах. Аднак ён не выключае, што некаторыя могуць настойваць і на ягоным выключэньні з партыі.

Старшыня падліковай камісіі на мінулым пасяджэньні Сойму Партыі БНФ Юры Чавусаў зазначыў, што ніхто зь сябраў камісіі не галасаваў супраць рашэньня аб выключэньні Міхалевіча. (Два сябра камісіі галасавалі за, адзін – устрымаўся).

“У галасаваньні прыняло ўдзел 47 чалавек. Адзін чалавек ня браў бюлетэню, мы лічым, што ён не прысутнічаў. Такім чынам для ўхваленьня рашэньня было дастаткова 24 галасы”.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG