Лінкі ўнівэрсальнага доступу

Адукацыйнаму цэнтру ЗША не працягнулі рэгістрацыю


“Можна сказаць, цэнтру не далі магчымасьць перарэгістравацца” - завіў кіраўнік дыпляматычнай місіі ЗША ў Менску Джонатан Мур.

“Цэнтар быў зарэгістраваны, працаваў, пасьля было патрабаваньне падаць дакумэнты на перарэгістрацыю, пасьля чаго адказу Цэнтар не атрымаў”, - патлумачыў дыплямат у інтэрвію Інтэрфаксу.

“Фармальна, беларускі бок не дамовіў у рэгістрацыі, але і ня даў рэгістрацыю, без якой працаваць нельга”, - дадаў Дж.Мур.

Прадстаўніцтва Амэрыканскага адукацыйна-дасьледчага цэнтру («American Center for Education and Research, Inc.») у Беларусі спыніла сваю дзейнасьць 23 траўня.

Місіяй Амэрыканскага цэнтру было “разьвіцьцё ўзаемаразуменьня і праграм сумеснага навучаньня на міжнародным узроўні”. Праграмы Цэнтру давалі грамадзянам Беларусі магчымасьць працягнуць адукацыю ў эўрапейскіх унівэрсытэтах і атрымаць ступені бакаляўра, магістра і доктара альбо весьці дасьледаваньні ў галіне гуманітарных і сацыяльных навук.
XS
SM
MD
LG