Падставай для размовы стала забарона некаторым беларускім апазыцыйным палітыкам выяжджаць за межы краіны. Лідэр АГП папрасіў спадара Лукіна паспрыяць захаваньню расейскай мяжы як вакна для выезду ў Эўропу.
Анатоль Лябедзька так кажа пра галоўную мэту гэтай сустрэчы:
“Пакуль я магу яшчэ адстойваць свае канстытуцыйныя правы, выяжджаючы праз Расейскую Фэдэрацыю за межы Беларусі. Але ня сёньня-заўтра (у мяне ўжо ёсьць такая апэратыўная інфармацыя) будуць зробленыя захады, каб закрыць такую мажлівасьць. Таму сустрэча з Лукіным была на прадмет таго — калі мае правы будуць парушацца на тэрыторыі Расеі, дык ці магу я разьлічваць на дапамогу амбудсмэна Расейскай Фэдэрацыі?”
Лідэр АГП кажа, што правы расейскага амбудсмэна дазваляюць Уладзімеру Лукіну працаваць з грамадзянамі іншых краінаў, чые правы парушаюцца на тэрыторыі Расеі:
“Мы маем аднолькавыя падыход і разуменьне таго, што адбываецца са мной у Беларусі. І Лукін запэўніў, што ён гатовы прыкладаць усе намаганьні, каб адстойваць мае інтарэсы ў выпадку, калі ўзьнікне такая неабходнасьць. Таму я абсалютна на 100% задаволены вынікамі нашай сёньняшняй размовы”.
Я спытаў спадара Лябедзьку, ці згадваліся сёньня прозьвішчы іншых беларускіх апазыцыянэраў, якія патрапілі ў падобную сытуацыю:
“Лукін цікавіўся, наколькі гэтая практыка мае шырокі распаўсюд. І я называў прозьвішчы Анжалікі Борыс, Артура Фінькевіча, Зьмітра Дашкевіча — прыклады, якія я канкрэтна ведаю. А таксама прозьвішчы людзей, якія сутыкнуліся з аналягічнай праблемай”.
Сустаршыня АДС кажа, што ягоная размова выйшла за межы пастаўленай праблемы:
“Лукін цікавіўся і агульным станам правоў чалавека ў Беларусі. У яго выклікае цікавасьць і выбарчая кампанія, якая будзе ў нас. Мы размаўлялі каля 50 хвілінаў. І там нават было месца для некаторых успамінаў, бо я ведаю Лукіна яшчэ як дэпутата расейскага парлямэнту.
Ён вельмі дасьведчаны і разумны чалавек. Ён не ідэалізуе сытуацыю ў Расеі, хоць адзначае, што пакуль яна ўсё ж такі па некаторых парамэтрах адрозьніваецца ад беларускай у лепшы бок”.
Анатоль Лябедзька так кажа пра галоўную мэту гэтай сустрэчы:
“Пакуль я магу яшчэ адстойваць свае канстытуцыйныя правы, выяжджаючы праз Расейскую Фэдэрацыю за межы Беларусі. Але ня сёньня-заўтра (у мяне ўжо ёсьць такая апэратыўная інфармацыя) будуць зробленыя захады, каб закрыць такую мажлівасьць. Таму сустрэча з Лукіным была на прадмет таго — калі мае правы будуць парушацца на тэрыторыі Расеі, дык ці магу я разьлічваць на дапамогу амбудсмэна Расейскай Фэдэрацыі?”
Лідэр АГП кажа, што правы расейскага амбудсмэна дазваляюць Уладзімеру Лукіну працаваць з грамадзянамі іншых краінаў, чые правы парушаюцца на тэрыторыі Расеі:
“Мы маем аднолькавыя падыход і разуменьне таго, што адбываецца са мной у Беларусі. І Лукін запэўніў, што ён гатовы прыкладаць усе намаганьні, каб адстойваць мае інтарэсы ў выпадку, калі ўзьнікне такая неабходнасьць. Таму я абсалютна на 100% задаволены вынікамі нашай сёньняшняй размовы”.
Я спытаў спадара Лябедзьку, ці згадваліся сёньня прозьвішчы іншых беларускіх апазыцыянэраў, якія патрапілі ў падобную сытуацыю:
“Лукін цікавіўся, наколькі гэтая практыка мае шырокі распаўсюд. І я называў прозьвішчы Анжалікі Борыс, Артура Фінькевіча, Зьмітра Дашкевіча — прыклады, якія я канкрэтна ведаю. А таксама прозьвішчы людзей, якія сутыкнуліся з аналягічнай праблемай”.
Сустаршыня АДС кажа, што ягоная размова выйшла за межы пастаўленай праблемы:
“Лукін цікавіўся і агульным станам правоў чалавека ў Беларусі. У яго выклікае цікавасьць і выбарчая кампанія, якая будзе ў нас. Мы размаўлялі каля 50 хвілінаў. І там нават было месца для некаторых успамінаў, бо я ведаю Лукіна яшчэ як дэпутата расейскага парлямэнту.
Ён вельмі дасьведчаны і разумны чалавек. Ён не ідэалізуе сытуацыю ў Расеі, хоць адзначае, што пакуль яна ўсё ж такі па некаторых парамэтрах адрозьніваецца ад беларускай у лепшы бок”.
