Лінкі ўнівэрсальнага доступу

На зьмену “жывым шчытам” прыйдуць ангельскія сеткі


ДАІ плянуе набыць адмысловыя сеткі для таго, каб спыняць машыны, якія перасьледуюць патрульныя машыны інспэкцыі.


“Разглядаюцца варыянты закупкі адмысловых сетак ангельскай вытворчасьці”,-- паведамілі Інтэрфаксу ў ДАІ. “Сеткі раскатваюцца на дарозе перад машынай, якую перасьледуюць. Сетка намотваецца на колы, у выніку чаго зьніжаецца хуткасьць”.

Прадстаўнікі ДАІ заявілі, што “пытаньне пра набыцьцё новых спэцсродкаў паўстала ў сувязі з ДТП на трасе “Менск-Мікашэвічы”.

2 сакавіка 2008 году, каб затрымаць п’янага кіроўцу Рамана Менцюка, які рухаўся на хуткасьці 160 кілямэтраў на гадзіну, супрацоўнікі ДАІ выкарысталі прыватныя аўтамабілі, у якіх знаходзіліся пасажыры. Інцыдэнт атрымаў назоў “жывы шчыт”.

У адносінах двух супрацоўнікаў ДАІ завялі крымінальную справу, якую ўжо перадалі ў суд. Пацярпелыя кіроўцы і пасажыра падалі грамадзянскі пазоў да супрацоўнікаў ДАІ на суму 50 мільёнаў рублёў.

Мянцюк дагэтуль знаходзіцца ў вышуку.

Ваша меркаваньне

Паказаць камэнтары

XS
SM
MD
LG