Лінкі ўнівэрсальнага доступу

Амэрыканскае пасольства ў Беларусі распаўсюдзіла афіцыйную заяву наконт Праграмы малых грантаў, якой 29 траўня быў прысьвечаны сюжэт на Першым нацыянальным тэлеканале.


У заяве гаворыцца: "Праграма малых грантаў амбасады ЗША у Беларусі існуе ўжо шмат гадоў. Яе сутнасьць дэталёва апісваецца на вэбсайце амбасады, як на ангельскай, гэтак і на беларускай мовах.

Як адзначаецца на гэтых старонках, незалежныя сродкі масавай інфармацыі, вяршэнства закона і правы чалавека — гэта прыярытэтныя напрамкі дзейнасьці Праграмы малых грантаў. Праграма зацікаўленая ў праектах, датычных пабудовы дэмакратычных інстытутаў, падтрымкі грамадзянскай адукацыі, роўнасьці жанчын, рэформ заканадаўства і рынкавай эканомікі з мэтай садзейнічаньня інтэграцыі Беларусі ў трансатлянтычны саюз дэмакратычных краін.

Улічваючы, што гэтая праграма існуе ўжо даўно і добра вядомая, выклікае зьдзіўленьне той факт, што яна стала аб’ектам гэткай пільнай увагі менавіта ў дадзены момант. Аднак, паводле Венскай канвэнцыі аб дыпляматычных зносінах, амбасада ЗША гатова атрымаць афіцыйны запыт аб працы Праграмы малых грантаў ад Міністэрства замежных спраў Рэспублікі Беларусь".

Паказаць камэнтары

XS
SM
MD
LG