Лінкі ўнівэрсальнага доступу

Ці патрэбная Беларусі АЭС?


Belarus - Vox Populi Generic Icon, 05Dec2007
Belarus - Vox Populi Generic Icon, 05Dec2007

Ці патрэбная Беларусі атамная электрастанцыя? Па гэтым пытаньні выказваліся сёньня гарадзенцы.


Спадар: “Я ведаю, што энэргія дзяржаве патрэбна і людзям таксама. А дзе і як яе выгадней здабываць, трэба быць эканамістам, каб пралічыць усе варыянты”.

Маладая спадарыня: “Я супраць будаўніцтва. Вы ведаеце, пасьля Чарнобылю горшая экалёгія, шмат людзей хварэюць, хваробы пайшлі праз гэта, я так лічу”.

Дзяўчына: “Для Беларусі, я лічу, гэта выгадна, але што датычыць нас, грамадзянаў, то, канечне, крышачку страшнавата: ці мала што можа здарыцца? Таму я і “за”, і не.

Малады спадар: “Калі АЭС і патрэбна, то не цяпер, зараз трэба ўкладаць грошы ў іншыя галіны”.

Спадар: “Цяжка нам меркаваць: патрэбна нам АЭС ці не патрэбна? Напэўна, раз трэба, то трэба”.

Спадарыня: “Я супраць, мяне палохае другі Чарнобыль”.

Спадарыня: “З пункту гледжаньня здароўя і магчымасьці здарэньня, як у Чарнобылі было, то, канечне, АЭС ня трэба. Але ўлічваючы, што ў мяне бацькі энэргетыкі, і што краіна спажывае энэргію з-за мяжы, плоцячы вялізныя грошы, напэўна, усё ж я трошку “за” станцыю”.

Сталы спадар: “Станцыя трэба”.

Спадар: “Я за будоўлю электрастанцыі атамнай. Адзінае, што ў нас у Беларусі павінны працаваць не расейцы, мажліва гэта будуць французы, японцы ці амэрыканцы. Але калі будаваць, то не з расейцамі”.

Спадар: “Я супраць, я думаю, Чарнобыля дастаткова. І не такая мы дзяржава, каб абавязкова выкарыстоўваць атамную энэргію. Я думаю, іншых відаў электрычнай энэргіі ў нас можа быць дастаткова пры граматным падыходзе”.

Іншы спадар: “Напэўна, яна патрэбна, таму што купляць цяпер энэргію дорага. І таму трэба, напэўна, будаваць. Але ўсё трэба прадумаць вельмі добра”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG