Зэльцэр і Функ былі затрыманыя 12 сакавіка, пры прылёце ў Менск. Ім інкрымінуецца выкарыстаньне заведама падробных дакумэнтаў.
Консул ЗША атрымаў магчымасьць двойчы наведаць Зэльцэра ў ізалятары КДБ, 27 сакавіка і 25 красавіка. Пасьля другога візыту консул паведаміў пра пагаршэньне стану здароўя Эмануіла Зэльцэра. У паведамленьні пасольства адзначалася, што адносна арыштаванага ўжывалася сіла.
Варта адзначыць, што беларускі КДБ абвінавачвае спадара Зэльцэра менавіта ў выкарыстаньне заведама падробных дакумэнтаў.
Джон Кэй ў судовым пасяджэньні ў Нью-Ёрку прызнаў, што дакумэнты, якія прадставіў ягоны адвакат Эммануіл Зэльцэр, ня маюць юрыдычнай сілы адносна маёмасьці Патаркацышвілі.
