Лінкі ўнівэрсальнага доступу

logo-print

З такім пытаньнем сёньня наш карэспандэнт зьвяртаўся да гарадзенцаў.


Спадар: “У нас у Горадні няма ніводнага помніка беларусам, пачынаючы ад князя Вітаўта й сканчаючы Кастусём Каліноўскім. Так што ўсім ім трэба ставіць, яны гэтага вартыя”.
Васілю Быкаву трэба, бо ён пісаў па-сапраўднаму цікавыя кнігі пра вайну

Спадар: “Багдановіч, Колас, Купала — гэта ўсё вялікія пісьменьнікі”.

Карэспандэнт: “А вы як лічыце?”

Ягоная жонка: “Васілю Быкаву трэба, бо ён пісаў па-сапраўднаму цікавыя кнігі пра вайну, а галоўнае — праўдзівыя. І ведаеце, трэба, каб паздымалі помнікі Сувораву ды вуліцы, якія носяць яго імя, зьмянілі. Цяпер ужо нам трохі раскрылі вочы на тое, кім ён быў для нашага народа”.

Карэспандэнт: “А што замест ягоных помнікаў?..”

Спадарыня: “Беларускаму народу на чале з Тадэвушам Касьцюшкам”.

Спадарыня: “Ведаеце, паколькі я па-сапраўднаму люблю беларускую літаратуру — Уладзімеру Караткевічу. Разумею, што Васіль Быкаў — гэта нешта сьвятое і яму ўжо ёсьць помнік у Беларусі”.

Карэспандэнт: “Не, Васілю Быкаву дагэтуль няма помніка...”

Спадарыня: “Няма? Гэта няправільна, няправільна. Яму трэба абавязкова паставіць помнік. А я думала, што ў Менску помнік Васілю Быкаву ўжо паставілі...”
Тадэвушу Касьцюшку трэба было б паставіць. Ён заслужыў, дый ён наш нацыянальны герой

Спадар: “Вось Васілю Быкаву, сапраўдны пісьменьнік. Я б вельмі хацеў, каб яго памяць ушанавалі. А яшчэ — Пятру Машэраву. Ён быў выдатным кіраўніком Беларусі, яго людзі паважалі. А Кастусю Каліноўскаму, як нацыянальнаму герою, ды яшчэ дзе-небудзь у парку, дзе гуляе шмат людзей, каб бачылі й ганарыліся ім”.

Хлопец: “Тадэвушу Касьцюшку трэба было б паставіць. Ён заслужыў, дый ён наш нацыянальны герой”.

Дзяўчына: “Я б паставіла Якубу Коласу й Янку Купалу. На мой погляд, яны ўнесьлі самы значны ўклад у разьвіцьцё беларускай культуры й мовы”.

Спадар: “Вось, да прыкладу, Янку Купалу і Францыску Скарыну ўжо ёсьць помнікі, але я паставіў бы ім яшчэ, яны вартыя”.

Спадарыня: “Хацелася б, каб быў помнік Васілю Быкаву. Гэта народны пісьменьнік і любімы беларусамі”.

Дзяўчына: “Прэзыдэнту Аляксандру Лукашэнку. Гэта геройская асоба, чалавек, так бы мовіць, з характарам. А яму помніка дагэтуль няма”.
Лукашэнку - геройская асоба, чалавек з характарам. А яму помніка дагэтуль няма

Хлопец: “Максіму Багдановічу”.

Карэспандэнт: “А чаму менавіта яму?”

Хлопец: “Ня ведаю, але ён мне вельмі падабаецца як паэт і як асоба”.

Другі хлопец: “А я б паставіў помнік Кастусю Каліноўскаму. Ён мне падабаецца...”

Спадар: “Кірылу Тураўскаму, сапраўднаму беларусу, якія шмат зрабіў для свайго народа й краіны”.

Спадарыня: “А я, да прыкладу, Уладзімеру Мулявіну. Чалавек, ня будучы беларусам па паходжаньні, столькі зрабіў для беларускай культуры, што нават прымусіў іншыя народы ведаць пра беларусаў, праславіў іх на ўвесь сьвет”.

Паказаць камэнтары

XS
SM
MD
LG