Лінкі ўнівэрсальнага доступу

Трэці сын Аляксандра Лукашэнкі


Выступаючы ў Хойніках на мінулым тыдні, Лукашэнка паўтарыў, што прэзыдэнтам Беларусі стане ягоны малодшы сын. Да апошняга часу лічылася, што кіраўнік дзяржавы мае двух сыноў Віктара і Дзьмітрыя ад шлюбу з жонкай Галінай.

Аднак агенцтва Інтэрфакс паведаміла, што насамрэч сыноў у кіраўніка дзяржавы трое, што ёсьць яшчэ адзін – чатырохгадовы Мікола. Гледзячы па ўсім менавіта пра яго Лукашэнка казаў у Хойніках, і яшчэ раней ў красавіку летась, калі на прэсавай канфэрэнцыі ён заявіў, што прэзыдэнтам Беларусі стане яго надзвычай таленавіты малодшы.

Пазьней гэтая інфармацыя Інтэрфаксу была зьнятая з сайту без тлумачэньня прычынаў, аднак яе пасьпелі разьмясьціць у сябе розныя сродкі масавай інфармацыі.

Апошнім часам Мікола Лукашэнка прысутнічае з бацькам на шматлікіх публічных мерапрыемствах, ён быў зь ім на суботніку , на хакейным матчы, а таксама ў Тураве на велікоднай багаслужбе.

Хто маці Міколы – не паведамляецца.

Паказаць камэнтары

XS
SM
MD
LG