Лінкі ўнівэрсальнага доступу

Які прысуды ў “Працэсе 14-ці” прагназуюць Беларускія палітыкі?





"Працэс 14-ці": Абвясьцілі перапынак да заўтрага

“Працэс 14-ці”: фотарэпартаж

У судзе. Уражаньні блогеркі

Былы дэпутат Палаты прадстаўнікоў і палітзьняволены Сяргей Скрабец мяркуе, што падсудных чакае жорсткае пакараньне:
Сяргей Скрабец

“Уладзе неабходна запалохаць грамадзтва. У грамадзтве сытуацыя зараз досыць напружаная: адмененыя льготы, падвышаецца кошт камунальных паслугаў. Набліжаецца Чарнобыльскі шлях і ўлада будзе рабіць усё, каб людзей запалохаць, каб яны ня выйшлі на вуліцы з пратэстам. На мой погляд, на жаль, прысуд будзе вельмі жорсткім. Я думаю, што будуць, нават, і “тэрміны”.

Адзін зь лідэраў сацыял-дэмакратычнага руху, гэтаксама былы палітвязень Мікола Статкевіч, мяркуе, што вырашальным стане ўплыў зьнешніх фактараў:

Мікола Статкевіч
“Беларусь – гэта краіна, якая залежыць ад зьнешніх абставінаў. Я думаю, што краіны Захаду асабліва раздражняць ня будуць. Я спадзяюся на тое, што амаль усе абыдуцца штрафамі. А той малады чалавек, які ўжо там, яго так проста ня выпусьцяць. Але спадзяюся, што ў яго будзе некалькі месяцаў арышту, частку якога ён ужо адбыў, і будзе магчымасьць датэрміновага ўмоўнага вызваленьня”.

Старшыня Аб’яднанай грамадзянскай партыі Анатоль Лябедзька таксама спадзяецца на лепшы вынік:

Анатоль Лябедзька
“Я схільны разглядаць верагоднасьць адносна мяккіх прысудаў. Я не чакаю, што маладых людзей апраўдаюць. На гэта можна было б спадзявацца ў выпадку незалежнай судовай сыстэмы. Яны будуць прызнаныя вінаватымі, але для большасьць прысуд будзе ўсё ж такі ў выглядзе штрафаў. Я спадзяюся на гэта”.


Самы кароткі камэнтар даў старшыня Партыі БНФ Лявон Баршчэўскі:

“Я думаю, што улады абмяжуюцца штрафамі. Але ўсё роўна гэта будзе не справядлівы прысуд”.

XS
SM
MD
LG