Лінкі ўнівэрсальнага доступу

1 красавіка ў Беларусь прыехаў часовы павераны Эўракамісіі ў справах Беларусі Жан-Эрык Хольцапфэль. Ён будзе ўзначальваць офіс Эўракамісіі ў Менску, пагадненьні аб адкрыцьці якога было падпісана 7 сакавіка ў Брусэлі. Што можна сказаць пра гэтага дыплямата? Наколькі шырокія функцыі будзе мець офіс Эўракамісіі ў Менску? На гэтыя пытаньні адказвае палітоляг Андрэй Фёдараў


Цыганкоў: “Андрэй, вы сустракаліся з спадаром Хольцапфэлям... Ці можна рабіць нейкія высновы, наколькі ён арыентуецца ў беларускіх справах?”

Фёдараў:
“Я сапраўды сустракаўся зь ім некалькі разоў, але не сам-на-сам. Безумоўна. гэты чалавек дасьведчаны ў нашых справах. Дагэтуль ён працаваў у Кіеве, дзе фактычна выконваў абавязкі каардынатара па сувязях з Беларусьсю прадстаўніцтва Эўракамісіі ва Ўкраіне і Беларусі. Так што ён безумоўна валодае ўсёй патрэбнай інфармацыяй і безумоўна, быў адной з галоўнай дзеючых асобаў на перамовах, якія ішлі паміж Менскам і Эўракамісіяй наконт адкрыцьця офісу”.

Цыганкоў: “Прынамсі, пакуль у беларускіх уладаў да ягонай асобы няма ніякіх нэгатыўных прэтэнзіяў?”

Я мяркую, што галоўным накірункам дзейнасьці офіса Эўракамісіі будзе тэхнічны і эканамічны бок
Фёдараў: “Ва ўсялякім разе, нічога падобнага не было агучана. Ніякіх праблемаў з ягоным прыездам ніколі не ўзьнікала”.

Цыганкоў: “Фактычна з прыездам спадара Хольцапфэля офіс Эўракамісіі, можна сказаць, пачынае сваю працу. Як выглядае мандат гэтай структуры, ці ён ужо сфармаваны?”

Фёдараў: “Я ўпэўнены, што мандат ужо ўзгоднены – інакш не было б падпісанага пагадненьня. Вядома, што беларускія ўлады маюць гэтак званы “сындром Віка” – яны вельмі баяцца, што нейкая заходняя афіцыйная структура, якая тут працуе, будзе паўтараць дзейнасьць былога кіраўніка КНГ АБСЭ Віка і фактычна займацца палітычнымі справамі.
Летась у ліпені Жан-Эрык Хольцапфэль прадстаўляў праграму супрацоўніцтва паміж Эўракамісіяй і Беларусьсю ў галіне энэргетыкі. Гэта нацыянальная праграма дзеяньняў пад назвай “Падтрымка распрацоўкі і рэалізацыі агульнай энэргетычнай стратэгіі для Рэспублікі Беларусь. Я мяркую, што галоўным накірункам дзейнасьці офіса Эўракамісіі будзе тэхнічны і эканамічны бок. Што тычыцца палітычных стасункаў, то з гэтым пакуль што яснасьці няма”
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG