Лінкі ўнівэрсальнага доступу

МЗС Канады асудзіла дзеяньні беларускіх уладаў


Міністар замежных спраў Канады Максім Бэрнье зрабіў у пятніцу заяву адносна сытуацыі ў Беларусі.


Ён адзначыў, што Канада заклапочаная зьбіцьцём і арыштамі беларускіх дэманстрантаў, якія адзначалі 25 сакавіка Дзень волі.

"Мы асуджаем гэтыя дзеяньні, якія зьяўляюцца чарговым нападам на грамадзянскую супольнасьць, уключна зь няўрадавымі арганізацыямі і незалежнымі СМІ”, заявіў міністар Бэрнье.

“Канада заклікае беларускія ўлады паважаць права на свабоду мірных сходаў і свабоду слова. Канада таксама зьвяртаецца да беларускіх уладаў неадкладна спыніць абмежаваньні для незалежных СМІ і вызваліць тэрмінова ўсіх тых, хто быў затрыманы”, гаворыцца ў заяве кіраўніка канадзкага МЗС.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG