Лінкі ўнівэрсальнага доступу

У Віцебску зьявіўся “анты-Мірон”? <img src="/img/icon-photogallary.gif" border=0 />


На бальконе ў апазыцыянэра Барыса Хамайды, калі гаспадара не было дома, нехта вывесіў чырвона-зялёны дзяржаўны сьцяг з прымацаванай да яго цыдулкай.


Паводле спадара Хамайды, цыдулка напісана па-беларуску і мае такі зьмест: “У гонар дзяржаўнага беларускага сьцяга. Слава сапраўдным патрыётам Айчыны. Жыве Канстытуцыя 1996 году! Жыве вечна! Беларус”.

Барыс Хамайда лічыць, што стыль напісаньня гэтага звароту знарок стылізаваны пад цыдулкі ад легендарнага Мірона, а вывесілі чырвона-зялёны сьцяг ворагі беларушчыны. Апазыцыянэр не выключае, што гэткім чынам яму нехта помсьціць за апазыцыйную дзейнасьць — у прыватнасьці, за тое, што ён пэрыядычна камэнтуе зьяўленьне ў Віцебску бел-чырвона-белых “Міронавых” сьцягоў.

Спадар Хамайда жыве на другім паверсе. Ён мяркуе, што ўсталяваць сьцяг у яго на бальконе маглі або адмыслоўцы-альпіністы, або гэта рабілася пры дапамозе адмысловай тэхнікі. Аднак высьвятляць акалічнасьці — да прыкладу, апытаць суседзяў або зьвярнуцца ў міліцыю, каб адшукаць тых, хто незаконна трапіў на ягоны балькон, апазыцыянэр ня лічыць патрэбным.






Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG