Вось што сказала спадарыня Сурвіла пра сустрэчу:
"Сустрэча была надзвычай цікавая і прыемная. Спадар Гавэл, як заўсёды, паказаў, які ён вялікі сябра Беларусі. Яго цікавіла ўсё, што робіцца ў Беларусі, ён прасіў нас распавесьці пра гэта. І безумоўна пытаўся -- чым можна дапамагчы дэмакратычнаму руху, дэмакратычнай Беларусі. Першая рэч, пра якую мы яго прасілі -- гэта як-небудзь зьнізіць цэны візаў для беларусаў у Эўропу. Мы ўважаем гэта, як сапраўдную "жалезную заслону" між Беларусьсю і Эўропай. Ён цалкам згадзіўся з такой ацэнкай і сказаў, што будзе рабіць усё магчымае. Магчыма, Чэхія будзе першай краінай, якая зьнізіць гэтыя кошты".
У суботу Івонка Сурвіла возьме ўдзел у канфэрэнцыі ў Празе, прысьвечанай 90-й гадавіне абвяшчэньня БНР. У канфэрэнцыі возьмуць удзел вядомыя палітыкі і навукоўцы, яна праводзіцца пад патранатам міністра замежных спраў Чэхіі Карла Шварцэнбэрга.
