Лінкі ўнівэрсальнага доступу

Беларускія прадпрымальнікі напісалі Юшчанку


Прадпрымальнікі зь беларускіх рэгіёнаў накіравалі лісты прэзыдэнту Ўкраіны Віктару Юшчанку і прэм’ер-міністру Юліі Цімашэнцы.


Паводле сябра кампаніі “За свабоднае разьвіцьцё прадпрымальніцтва” Мікалая Чарнавуса, у лістах прадпрымальнікі выказваюць жаданьне разам з прадпрымальнікамі іншых рэгіёнаў “абмеркаваць пытаньне ўзаемнага супрацоўніцтва. А менавіта: будаўніцтва оптавых рынкаў у пяцікілямэтровай зоне мяжы з Рэспублікай Беларусь”.

Як патлумачыў для БелаПАН М.Чарнавус, з прычыны ўвядзеньня ўказу 760 многія прадпрымальнікі ня могуць нармальна працаваць і набываць тавар, таму што вымушаныя самі гандляваць за прылаўкам. Гэта прынесла “парушэньне дзелавога супрацоўніцтва між прадпрымальнікамі Беларусі і Ўкраіны”. Цяпер многія беларускія ІП езьдзяць па тавар у г. Хмяльніцкі ва Ўкраіне, а калі б оптавыя склады знаходзіліся непадалёк ад мяжы, гэта палегчыла б іхную працу, сказаў М.Чарнавус.
XS
SM
MD
LG