Лінкі ўнівэрсальнага доступу

Магілёўцы – аб правах жанчын


На пытаньне “За якія правы жанчын варта змагацца?” адказалі жыхары Магілёва.


Спадарыня: “Права на шчасьце, на жаночае шчасьце. Права быць ацэненай. Быць любімай мужчынамі й дома й на працы, то бок ува ўсім атачэньні. Права быць жанчынай, хутчэй за ўсё”.

Спадар: “Права на любоў, пэўна, найперш. Гэта ня толькі адносіны між жанчынай і мужчынам, а на любоў наагул, у поўным сэнсе, але гэта доўга расказваць”.

Спадарыня сталага веку: “Жанчына павінна быць больш разьняволенай. Калі маладая жанчына нараджае дзіця, даць ёй больш магчымасьці працаваць, тварыць — жыць паўнавартасным жыцьцём. А не агароджваць яе на тры гады: сядзі зь дзіцем, нічога ня робячы. Звар’яцець можна”.

Юнак: “Галоўнае, каб у адносінах між жанчынамі і мужчынамі жанчыны й мужчыны заставаліся самі сабою. І мужчыны ніколі не прыгняталі правы жанчын”.

Спадарыня: “Каб матэрыяльны стан быў такім, каб можна было нараджаць, нараджаць і нараджаць”.

Юнак: “Права на шчасьце. І калі мужчыны гэтаму садзейнічаюць, каб жанчыны былі шчасьлівымі, — гэта вельмі добра”.

Спадарыня сталага веку: “У нашым узросьце я не магу сказаць”.

Карэспандэнт: “Ну нейкія ж правы ёсьць, і іх жа трэба бараніць?”

Спадарыня: “Мы ўжо і не зьвяртаемся ні па якія правы. Пэнсію атрымліваем, жывём нармальна. Калі хочам адпачыць, нам нават даюць пуцёўку. У нас няма такіх праблем, каб нешта бараніць”.

Спадар: “Права на свабоду, дапусьцім. Паважаць сваю жонку. Яна свабодны чалавек, я думаю так”.

Юначка: “Усе тыя, якія ёсьць”.

Карэспандэнт: “А якія ёсьць?”

Юначка: “Натуральна, права на жыцьцё й свабоду. На працяг роду”.

Спадарыня: “На сваю самастойнасьць. Я думаю, што на сёньня гэта самае галоўнае — самастойнасьць. Таму што мужчыны іншым разам парушаюць. Самастойна зарабляць грошы, магчыма, нейкі бізнэс распачынаць. Мужчыны думаюць, што яны мацнейшыя, у іх лепш атрымліваецца, але жанчыны іншым разам таксама нешта ўмеюць у гэтым пляне”.

Спадар: “Права на дзяцей. Гэта магчымасьць нарадзіць і вырасьціць здаровае патомства, пакаленьне”.

Спадар: “Ня трэба змагацца жанчынам асобна, ні мужчынам, ні дзецям, ні старым. Усе павінны разам змагацца за права нармальна жыць”.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG