Лінкі ўнівэрсальнага доступу

Вэнэсуэльская апазыцыя ня хоча беларускага малака


Прэзыдэнты Уга Чавэс і Аляксандар Лукашэнка

Прэзыдэнты Уга Чавэс і Аляксандар Лукашэнка

17 лютага з Беларусі ў Вэнэсуэлу дастаўленыя першыя 100 тон сухога малака. Пасьля гэтага апазыцыйныя газэты краіны распаўсюдзілі інфармацыю, што гэтае малако нібыта заражанае радыяцыяй і небясьпечнае для здароўя.


26 лютага санітарныя службы краіны абверглі гэтую інфармацыю. Кіраўнік аддзелу ядзерных тэхналёгій Вэнэсуэльскага інстытуту навуковых дасьледаваньняў Лілея Карысалес заявіла, што ўсе імпартаваныя харчы праходзяць сэртыфікацыю ў адпаведнасьці з міжнароднымі нормамі.

У сувязі з тым, што частка тэрыторыі Беларусі 22 гады таму была заражана ў выніку аварыі на Чарнобыльскай АЭС, сельгаспрадукцыя з гэтай зоны праходзіць кантроль у аддзеле ядзерных тэхналёгій, адзначыла спадарыня Карысалес. Праведзеная экспэртыза паказала, што імпартаванае з Беларусі сухое малако не ўтрымлівае шкодных і радыяактыўных рэчываў.

  • 16x9 Image

    Юры Дракахруст

    Журналіст. Нарадзіўся ў 1960 г. Зь 2000 г. — супрацоўнік Беларускай рэдакцыі Радыё Свабода ў Празе. Ляўрэат прэміі Беларускай асацыяцыі журналістаў (1996).
     

XS
SM
MD
LG