Лінкі ўнівэрсальнага доступу

На пахаваньне І.Казулінай хоча прыехаць Д.Крэймэр


Намесьнік памочніка дзяржсакратара ЗША Дэйвід Крэймэр мае намер прыехаць на пахаваньне Ірыны Казулінай.


Прэсавы сакратар эўрапейскага і эўразійскага аддзелу Дзярждэпартамэнту ЗША Чэйз Бімэр паведаміў нашаму радыё: “Крэймэр хацеў бы прыехаць на пахаваньне Казулінай, але тэрміны вельмі кароткія і ёсьць тэхнічныя праблемы”. Ня выключана, што спадар Крэймэр можа не пасьпець атрымаць візу.

Гэты амэрыканскі дыплямат – адна з ключавых асобаў у фармаваньні палітыкі ЗША адносна Беларусі. Ён неаднаразова сустракаўся ў Вашынгтоне з прадстаўнікамі беларускай апазыцыі і грамадзкімі дзеячамі, у тым ліку і з Ірынай Казулінай. Летась ён вёў перамовы ў Менску зь беларускімі ўрадоўцамі аб магчымых шляхах паляпшэньня двухбаковых адносінаў, у прыватнасьці, аб вызваленьні палітычных вязьняў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG