Лінкі ўнівэрсальнага доступу

25 сакавіка споўніцца 90 гадоў абвяшчэньня Беларускай Народнай Рэспублікі. Як, на погляд беларускай інтэлігенцыі, варта адзначаць гэтае сьвята?


Звольненая за свае апазыцыйныя погляды віцебская настаўніца Тацяна Севярынец, мясцовая актывістка і маці вядомага палітыка Паўла Севярынца прапануе зрабіць сьвяткаваньне як мага больш публічным і масавым.

Севярынец: Я лічу, што гэта – наша агульнае нацыянальнае сьвята. І адзначаць яго мы мусім усе разам. Зь песьнямі, з балёнікамі – прыгожа! Трэба паказаць, што гэтае сьвята – агульнае. Таму, я лічу, яно мусіць выйсьці на вуліцы – і ў Віцебску, і ва ўсіх іншых гарадох. І, канешне ж, было б пажадана, каб тыя, хто ахоўвае ў нас правапарадак – амапаўцы, міліцыянты – таксама разумелі, што ў людзей сьвята. І таму яны мусяць ня стрымліваць людзей, а самі ўліцца ў шэрагі тых, хто будзе сьвяткаваць.

Трэба, каб гэтае сьвята адчулі й тыя, хто нават ня ведае, што такое БНР. Такіх таксама шмат. І няхай нехта запытаецца: "Што гэта такое?" А яму патлумачаць. Няхай кожны ўведае сваю гісторыю, і, можа, менавіта з гэтага моманту нехта пачне ўсьведамляць сябе беларусам. Можа, гэта кране ягонае сэрца.

Карэспандэнтка: А чым ёсьць для Вас асабіста гэтая падзея -- 90-я ўгодкі БНР?

Севярынец: БНР для мяне – гэта сьведчаньне самаўсьведамленьня беларусаў нацыяй: тыя, хто хацеў "людзьмі звацца", змагаліся гэтую рэспубліку. Таму й цяпер мы павінны аб"яднацца ўсе разам – усе тыя, хто адчувае сябе беларусам.

Паказаць камэнтары

XS
SM
MD
LG