Таму да канца сёньняшняга дня А.Зьдзьвіжкова мусяць вызваляць, паведаміла адвакатка Мая Аляксандрава, якая прысутнічала на паседжаньні.
У Вярхоўным судзе Беларусі сёньня адбылося паседжаньне судовай калегіі па разглядзе касацыйнай скаргі былога намесьніка рэдактара газэты “Згода” Аляксандра Зьдзьвіжкова.
Журналіст апратэставаў прысуд Менскага гарсуду, які асудзіў яго на 3 гады зьняволеньня за распальваньне рэлігійнай варожасьці.
У суд Аляксандра Зьдзьвіжкова не прывезьлі. Паседжаньне праходзіла за зачыненымі дзьвярыма.
Адвакатцы Аляксандра Зьдзьвіжкова стала вядома, што днямі журналіста перавялі з рэспубліканскага турэмнага шпіталю, дзе ён праходзіў курс лячэньня, зноў у менскі сьледчы ізалятар.