Лінкі ўнівэрсальнага доступу

Лялькоў: "Эўразьвяз не мяняе свайго стаўленьня да рэжыму"


Ці азначае факт рэзалюцыі Эўрапарлямэнту тое, што Эўропа не мяняе сваю пазыцыю да беларскіх уладаў? Чаму, негледзячы на палітычныя заявы, дагэтуль не ўдаецца зрушыць з месца візавае пытаньне для беларускіх грамадзянаў?


На гэтыя пытаньні Віталя Цыганкова адказвае старшыня Беларускага Шуманаўскага таварыства, палітоляг Ігар Лялькоў.

Цыганкоў: “Ці можа рэзалюцыя, якую мае прыняць сёньня Эўрапарлямэнт, можа палепшыць альбо пагоршыць у дачыненьнях паміж афіцыйным Менскам і Эўразьвязам?”

Лялькоў: “Я мяркую, што гэта ў першую чаргу дэманстрацыя прынцыповасьці пазыцыі Эўразьвязу (ці канкрэтней, Эўрапарлямэнту) да сытуацыі ў Беларусі. Бо апошні часам зьявілася шмат спэкуляцыяў на тэму, што пазыцыя гэта мяняецца, што яна не такая ўжо і прынцыповая. Але прыняцьце гэтай рэзалюцыі – дэманстрацыя таго, што Эўразьвяз не адыходзіць ад сваіх “12 прапановаў”, пасьля выкананьня якіх Беларусь можа далучыцца да Эўрапейскай палітыкі добрасуседзтва. Яны даюць знак, што сытуацыя з палітычнымі рэпрэсіямі і палітзьняволенымі застаецца ў полі зроку.

Так што ў першую чаргу гэта адказ на тыя спэкуляцыі і сумневы, якія зьявіліся наконт тэмы, нібы Эўразьвяз можа перагледзець сваю пазыцыю да беларускага рэжыму”.

Цыганкоў: “То бок, вы лічыце, што гэта своечасовы адказ і слушны крок?”

Лялькоў: “Прыняцьце гэтай рэзалюцыі прадэманструе, што Эўропа застаецца адзінай (прынамсі, на ўзроўні дэклярацыяў) што да беларускага пытаньня. Гэта спроба (зноў-такі, на ўзроўні дэклярацыяў) прадэманстраваць падтрымку дэмакратычным сілам у Беларусі – “маўляў, усё ў парадку, Эўропа вас не забывае.”

Цыганкоў: “Два пункты рэзалюцыі прысьвечаныя візаваму пытаньню. У праекце дэпутаты заклікаюць выканаўчыя органы – Эўракамісію – лібэралізаваць практыку выдачы візаў,каб беларускія грамадзяне небылі ізаляванымі. Сытуацыя троху дзіўная – многія палітыкі заклікаюць, дэпутаты заклікаюць, а справа ня рухаецца з месца..”

Лялькоў: “Я думаю, гэта звычайная тэхнічная інэрцыя эўрапейскай бюракратыі, гэтай непаваротнай машыны. Гэта хутчэй унутраная праблемы Эўразьвязу. Я шчыра веру ў добрую волю эўрапейскіх палітыкаў што да візавага рэжыму адносна Беларусі. Бо гэта насамрэч пытаньне, якое адносна танна каштуе, але для Беларусі можа мець добры эфэкт. Таму я веру, што яны ўсё гэта шчыра прымаюць, але іншая справа – тэхнічная брусэльская бюракратыя. Павярнуць гэтую машыну вельмі цяжка. Але ёсьць спадзяваньні, што яна будзе павернутая”.
  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода». На беларускай Свабодзе ад 1994 году. Карэспандэнт расейскай Свабоды ў Беларусі.
     

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG