Лінкі ўнівэрсальнага доступу

Агляд беларускага сеціва


Сайт Хартыі'97 паведаміў сёньня, што амэрыканскі часопіс «Parade» апублікаваў сьпіс найгоршых дыктатараў сьвету, які складаўся ад 2003 году пры падтрымцы арганізацыяў "Freedom House”, "Amnesty International”, "Human Rights Watch” і "Reporters Without Borders”. У сьпісе гэтым 20 чалавек, сярод якіх Кім Чэн Ір (КНДР), Ху Дзіньтао (Кітай), Сайед аль-Хамміні (Іран), Іслам Карымаў (Узбэкістан), Хосьні Мубарак (Эгіпет), кароль Мсваты III (Свазілэнд), Аляксандр Лукашэнка (Беларусь), Рауль Кастра (Куба). У камэнтарах можна прачытаць наступнае.

Ірына: “Адзіная радасьць — шаснаццатае месца, а то маглі б быць "наперадзе плянэты ўсёй!"

Народный мститель: “Забылі друга Уга!!!"

Вова: “У сябры Ўга пакуль што нешта падобнае да свабодных рэфэрэндумаў маецца. Вось ён у сьпіс і ня трапіў. Ярмошына досьведам падзеліцца, як галасы лічыць, і іхні полк папоўніцца".

Наведнікі форумаў парталу tut.by абмяркоўваюць інфармацыю пра тое, што апошнім часам аб’явы аб наборы ў міліцыю разьмяшчаюць у Інтэрнэце, навучальных установах, у мэтро.

mmixer1 піша: “90 тысяч, відаць, мала, трэба напэўна каб 180 тысяч іх было».

Йа креведко: “На кожнага ІП па мянту”.

Дрыґавіч: “Мянты паўсюль і ад іх нікуды не падзецца! Хутка на кожнага беларуса будзе па аднаму міліцыянту!».

DARID: “8 гадоў таму я скончыў унівэрсытэт. Дай, думаю, паспрабую ў органы ўладкавацца... Афіцэр запасу, вышэйшая адукацыя, можа што цікавае прапануюць... Прыходжу ў аддзел кадраў, кажу, маўляў, вось я да вас прыйшоў і пералічваю ўсе свае годнасьці. Там мужык у фуражцы паслухаў, вочы вылупіў і кажа: маўляў не-е, нам з вышэйшай ня трэба. Нам трэба, каб дубінку мог трымаць...»

students: “Попыт нараджае прапанову. Паколькі павялічваецца колькасьць жадаючых атрымаць дубінкай, дзяржава гнутка рэагуе на попыт, нарошчвае колькасьць сэртыфікаваных людзей, упаўнаважаных аказваць такога роду паслугі».

У сеціве зьявіўся блог кіраўніка місіі Вялікабрытаніі ў Беларусі Нэйджэлу Гулд-Дэвісу, які прыехаў у Менск у жніўні мінулага году. Спадар Нэйджэл зрабіў запіс, у якім між іншага запытаўся: “Я быў уражаны, што беларусы зьяўляюцца настолькі эўрапейцамі па сутнасьці. І гэта робіцца асабліва зразумелым, калі паглыбіцца ў гісторыю гэтай зямлі. Уплыў культур з Захаду, такіх, як польская і літоўская, аніяк ня меншы, чым з Усходу. І, мне здаецца, гэта адчуваецца і сёньня. Як вы думаеце?» На гэта ён атрымаў мноства адказаў.

andreivk: “Уплыў культур — безумоўна мае месца, хоць, хутчэй, меў месца... Цяпер мы ўсё больш і больш, на жаль, аддаляемся ад эўрапейскай культуры ў моц шэрагу абставінаў... Што да гісторыі нашай краіны, дык робіцца ўсё цяжэй паглыбіцца ў яе, я маю на ўвазе ў яе больш-менш праўдзівую вэрсію... Занадта шмат палітыкі і, як наступства, гісторыя перашываецца... Крыўдна, што скажаюць яе самі ж беларусы».

coipish: “Думаю, што ўплыў культуры з усходу ўсё-такі, на жаль, большы. (Напрыклад, мы тут з вамі цяпер менавіта на мове з Усходу пішам. А ў іншым — праўда цалкам на вашым баку».

zhauranak: “Эгаістычна спадзяюся, што за час існаваньня Вашага блогу ў Эўропе зробіцца на аднаго дыплямата больш, якія выдатна разьбіраюцца ў далікатнасьцях беларускіх спраў».

corno_by: “Я ўпэўненая, што мы эўрапейцы па сутнасьці, і мая ўпэўненасьць засноўваецца як мінімум на нашай багатай музычнай культуры, якая дасталася нам ад ВКЛ і Рэчы Паспалітай! Канешне, цяпер у нас не настолькі ўсё добра, але ў нас багатае мінулае, якое як фундамэнт, на якім мы збудуем будучыню!»
XS
SM
MD
LG